Sólin skein við fjarðarmynnið og ég stökk inn og sótti myndavélina og tók nokkrar myndir sem ég setti hér í myndaalbúmið. Þessar myndir segja það sem segja þarf. 

Jón Bergvins og Haukur Berg eru einu börn þeirra á lífi ennþá og eru ættarhöfðingjarnir hér og ekki annað að sjá en þeir séu bara hressir báðir. 

Veður er þurrt og hlýtt, en óþarflega mikill vindur. 

Sunnudaginn 13. júní fórum við í kvenfélaginu Öldunni-Voröld í vorferðina og þær tóku mig með þar sem ég var stödd í Ljósvetningabúð og við héldum í Öxarfjörð þar sem kvenfélag Öxfirðinga tók vel á móti okkur með veitingum og leiðsögn um sveitina. Ferðin lukkaðist vel í alla staði og fengum við frábært veður.

16. júní fórum við hjónin í siglingu með Húna frá Grenivík til Húsavíkur og það var líka frábær ferð og mjög gott veður.

Myndir sem ég tók í þessum ferðum eru komnar inn, en myndir af ættarmótinu koma inn síðar. 

Annað kvöld verður svo ball með Stúlla og Dúa hér í Ljósvetningabúð og von á enn fleiri bílum þá.

Það rættist úr veðrinu í dag og sólin skein um og eftir hádegið þegar ég var í vinnunni, en nú er svalt u.þ.b. 2-3 °C en við höfum núna gasofn svo það fer vel um okkur í útilegunni. 

Handverkssýning verður einnig þessa helgi þar sem félag aldraðra í Eyjafirði verður með sýningu á ýmsum munum og handverki í Félagsborg í Hrafnagilsskóla og þar verður kaffihlaðborð þar sem hægt verður að láta ofan í sig ýmis konar góðgæti fyrir hæfilegan pening.

Hér hefst hinn margrómaði pönnukökubakstur Vigfúsar í fyrramálið þar sem hann snarar í c.a. 100 pönnkökur á hlaðborðið og hann á líka fallega muni á sýningunni,  bæði unnið í gleri og útskurð í tré.

Vonandi fáum við gott sumar því framundan eru hjá okkur hver ferðahelgin á fætur annarri svo sem;   ættarmót,  húsbílaferðir og vorferð kvenfélagsins svo eitthvað sé nefnt.

Landkynning á Íslandi 2010