Góður þessi!



Kvöldbænin

Kæri guð
Viltu vera svo vænn að senda þessum fátæku fatalausu konum í tölvunni hans pabba föt til að vera í...

Myndir teknar á nemendasýningunni um helgina.
Önnur sýning verður næstu helgi því að nemar eru orðnir svo margir að skipta varð sýningunni á tvær helgar.

Sýning á verkum nemenda í Myndlistarskóla Arnar Inga á Akureyri verður laugardaginn  23. og sunnudaginn 24. maí 2009  frá kl. 14 til 18 í  Klettagerði 6.

Á sýningunni eru mörg mjög falleg málverk og eru allir velkomnir.

Ég á þar tvær myndir sem ég er bara nokkuð ánægð með a.m.k. finnst mér þær bara góðar miðað við að ég er að byrja að læra að mála og á mikið eftir ólært ennþá enda bara hobbý sem ég hef mjög gaman af.

Leiðinda veður í gær og hvítnaði hér allt í kring.
Í dag er bjart og fallegt veður og töluverður snjór yfir öllu og blómin sem voru farin að blómstra eru komin undir nokkurra sentimetra snjólag.
Set inn myndir sem ég tók fyrir snjó, í hríðinni í gær og svo í blíðunni í dag.
Telma Brimdís bauð okkur að koma á útskriftarsýninguna sína í Myndlistarskólanum og við fórum í dag og skoðuðum sýninguna.
Mjög flottar myndirnar hennar.

Sjáðu mamma, ég er Gosi....

Vonlaust að fá þá til að játa.

Lögreglumönnum gengur auðveldlega að finna kanabisgróðrastíur sem eiturlyfjasalar hafa "plantað" víðsvegar um bæinn. það þarf ekki nema að hleypa einum hasshundi nokkra metra út fyrir Lögreglustöðina þá er hann búinn að renna á slóðina eða fá upplýsingar hjá rafmagnsveitunni um óeðlilega háan hitareikning. Vandamál lögreglunar er sem sé ekki að uppræta starfsemi kannabisgrænmetis bænda heldur mun frekar að fá þá til að játa. 

Sjáum dæmi 

lagregluþjónn   Jæja ... svo þú hefur varið staðin að verki að selja milljónir hassplanta

hasshaus- Hei djöfull er þetta kúl húfa maður 

lögregluþjónn .. Ha uu já... en  þú gengst við þessari kanabisrækt ekki satt ? 

hasshaus- Hei er þér sama að ég fái að reykja hérna inni 

Lögreglu þjónn - já já en ætlarðu að svara spurningunni, stóðst þú að þessari kanabisrækt eða ekki?

hasshaus ..Djöfull er þetta heví stöff.. má ég bjóða þér að prófa ? 

lögregluþjónn- ertu að reykja hass hérna inni á lögreglustöðinni drengur

hasshaus-Hei tjillaðu á því maður 

lögregluþjónn- VERÐIR VILJIÐ ÞIÐ HANDTAKA ÞENNAN MANN EINS OG SKOT hann er að reykja kanabis hérna inni. 

hasshaus- Já en ég er inn á lögreglustöð maður... Slappaðu af...

Höfundur:  Brynjar Jóhannsson háðfugl

Persona.is

Á sumrin fer fólk að sækja meira í það að vera sem mest úti að njóta veðurblíðunnar.  Miðbærinn fyllist af fólki og um hverja helgi býr fólk til ástæðu að fara úr bænum og njóta sveitasælunnar í góða veðrinu.  Fyrir flestum er þetta því indæll tími, fullur af skemmtilegum stundum með vinum og vandamönnum, en fyrir öðrum er þetta hrikaleg þolraun.  Sumt fólk á nefnilega við þann vanda að stríða að vera óstjórnlega feimið og óöruggt þannig að það getur ómögulega hugsað sér að taka þátt í félagslegum viðburðum eða umgangast fólk yfir höfuð. 

Flest upplifum við einhvern vott af kvíða af og til og í sumum tilfellum jafnvel daglega en náum þó oftast tökum á honum án vandkvæða.  Fyrir ákveðnum hópi fólks verður þessi kvíði þó óstjórnlegur og veldur því að það dregur sig í hlé og forðast það sem vekur hjá því kvíða.  Þegar fólk fer að forðast hluti með þessum hætti er hægt að tala um að fælni hafi myndast.  Fælni getur myndast við ýmsum hlutum og kannast líklega flestir við köngulóafælni, lofthræðslu og innilokunarkennd en algengust allra er þó félagsfælnin.  Félagsfælni felur í sér að fólk óttast félagslegar aðstæður og dregur sig úr slíkum aðstæðum.  Fólk sem þjáist af félagsfælni óttast að það geri eitthvað sem verði því til skammar í félagslegum aðstæðum og verður því ofurmeðvitað um sjálft sig í slíkum aðstæðum.  Í stað þess að taka þátt í samræðum og njóta augnabliksins, einblínir þetta fólk á sjálft sig og hvernig það komi fyrir sjónir.  Það verður mjög sjálfsgagnrýnið á allt sem það segir og gerir og hefur miklar áhyggjur af því að hafa orðið sér til skammar, þó svo að það hafi í raun ekki gert eða sagt neitt sem gæti hafa valdið því.  Þetta gerir það, að sjálfsögðu, að verkum að það verður líklegra að fólkið taki eftir smávægilegum breytingum í líkamanum eins og roða, svita eða auknum hjartslætti og ímyndar sér þá að þar sem það taki eftir þessu hljóti allir aðrir einnig að gera það og að þau hljóti að líta út eins og verstu aumingjar.  Þessi mikla innskoðun og rangtúlkun á áliti annarra veldur því svo enn fremur að fólkinu hættir til að mismæla sig eða stama og hefur þá framkallað vítahring fyrir sjálft sig.  Eftir að hafa lent í svona aðstæðum styrkist því óttinn við félagslegar aðstæður og hvötin til að draga sig í hlé og forðast að umgangast aðra eykst. 

Rannsóknir hafa sýnt að algengi félagsfælni sé á bilinu 5-15% og því þriðja algengasta geðræna vandamálið á eftir þunglyndi og alkohólisma.  Miðað við þessar tölur má því ætla að á bilinu 15 - 45.000 íslendingar þjáist af félagsfælni.  Félagsfælni er mjög oft falin og uppgötvast ekki en nokkuð algengara hefur verið að hún greinist hjá karlmönnum.  Þessi kynjamunur kann þó að vera misvísandi þar sem hugsanleg skýring á þessu sé sú að karlmenn hafa lengi sinnt störfum þar sem þeir hafa frekar þurft að takast á við félagslegar aðstæður og því frekar þurft að leita sér aðstoðar.  Þetta kann því einnig að hafa áhrif á rannsóknir á algengi þar sem ótal konur kunna að þjást af þessum vanda án þess að gera neitt í því.  Ef mann grunar að maður þjáist af félagsfælni er afar mikilvægt að takast á við fælnina með því að afla sér upplýsinga og leita sér hjálpar þar sem fælninni hættir til að vinda upp á sig og versna ef ekkert er að gert.

Félagsfælni hefur fjölmörg einkenni, bæði andleg og líkamleg.  Andlegu einkennin eru ofsafenginn ótti við að takast á við félagslegar aðstæður og vera miðpunktur athyglinnar.  Óttinn veldur svo líkamlegum einkennum eins og roða, skjálfta, svita, svima, köfnunartilfinning, ógleði og stami. Oft hefur fólk sem þjáist af vandamálum eins og þunglyndi, vímuefnamisnotkun og átröskunum átt sögu af félagsfælni og er því hugsanlegt að án íhlutunar geti hún orsakað slík vandamál.

Ekki má gleyma því að margir geta fengið snert af félagsfælni eftir að hafa verið í talsverðri einangrun eins og til dæmis að hafa verið að læra mikið eða bara ekki verið duglegt við að taka þátt í félagslegum viðburðum.  Oftast er hægt að losa sig við slíka væga félagsfælni með því að plana að gera eitthvað með vinum sínum eða fara eitthvert þar sem maður þarf að tala við fólk, vanda sig við að horfast í augu við fólk þegar maður er í samræðum og einbeita sér á að hlusta á hvað fólk hefur að segja og njóta augnabliksins.  Oft þegar maður er orðinn svolítið félagslega einangraður verður maður hálfpartinn að pína sig til að fara út á meðal fólks, þar sem það getur orðið allt of þægilegt að vera bara heima og losna við að eiga í samskiptum við fólk.  Að eiga samskipti við aðra hæfileiki sem hægt er að æfa og eins og með allt sem þarfnast æfingar er gott að halda sér í formi.  Eftir því sem maður æfir sig því færari verður maður og þar að leiðandi sjálfsöruggari.  Ef félagsfælnin er þó orðin umfangsmeiri en svo að einfalt sé að vinna á henni er mikilvægt að fræða sig um vandann og leita sér svo hjálpar hjá fagaðila. 

Eyjólfur Örn Jónsson
Sálfræðingu

Ég, Fúsi og Hulda fórum að sjá "Fúlar á móti" með þeim Eddu Björgvins, Björk Jakobs og Helgu Braga í kvöld.
Skemmtum okkur konunglega og þær voru alveg frábærar í þessari sýningu.

Konur yfir fertugu - Andy Rooney í 60 mínútum - tær snilld...

Eftir því sem ég eldist, kann ég betur að meta konur yfir fertugu og hér eru nokkrar ástæður fyrir því:
Kona yfir fertugu mun ekki vekja þig um miðja nótt og spyrja þig "hvað ertu að hugsa?"      Henni gæti ekki verið meira sama.

Ef kona yfir fertugu vill ekki horfa á leikinn með þér vælir hún ekki yfir því.  

Hún gerir eitthvað sem hana langar til og yfirleitt er það áhugaverðara en leikurinn.

Konur yfir 40 eru virðulegar í framkomu. Þær fara sjaldan í öskurkeppni við þig í óperunni eða á fínum veitingastað.   Nema þú eigir það skilið, þá hika þær ekki við að skjóta þig ef þær halda að þær komist upp með það.

Eldri konur eru örlátar á hrós, oft óverðskuldað. Þær vita hvað það er að vera ekki metin að verðleikum.

Konur verða skyggnar með aldrinum. Þú þarft aldrei að viðurkenna misbresti  þína fyrir þeim.

Þegar þú getur litið framhjá einni eða tveimur hrukkum er kona yfir 40 langtum kynþokkafyllri en yngri kynsystur hennar.

Eldri konur eru hreinar og beinar. Þær segja þér eins og skot að þú sért asni ef þú hagar þér sem slíkur.   Þú þarft aldrei að fara í grafgötur með hvar þú hefur þær.

Já, við dásömum konur yfir fertugu af mörgum ástæðum.

Því miður er það ekki gagnkvæmt. Því fyrir hverja glæsilega, smarta og vel greinda konu yfir fertugu, er sköllóttur, vambmikill forngripur í gulum buxum gerandi sig að fífli fyrir 22  ára gengilbeinu.   Konur, ég biðst afsökunar.

Til allra þeirra karla sem segja; "Afhverju að kaupa kúna þegar þú getur fengið mjólkina frítt?" þá eru hér nýjar upplýsingar:

Nú á tímum eru 80% kvenna á móti giftingum.        Hvers vegna?

Vegna þess að konur gera sér grein fyrir að það borgar sig ekki að kaupa heilt svín þótt þær langi í smá pylsu!

Andy Rooney

Ég horfði gagnrýnum augum á konuna sem ég hef verið giftur í 30 ár og sagði:

Heyrðu elskan - fyrir 30 árum áttum við ódýra íbúð, ódýran bíl, sváfum á sófanum í stofunni, horfðum á 10 tommu svart/hvítt sjónvarp og á hverju kvöldi iðkaði ég bólfarir með viljugri 25 ára stelpu.

Núna á ég 50 miljóna hús, 8 miljóna bíl, rúm á stærð við skeiðvöll og 50 tommu flatskjá - en þarf að sætta mig við það á hverju kvöldi að fara í bólið með þreyttri 55 ára konu.

Ég verð að játa að ég á skynsama konu.  Hún leit snöggvast á mig og sagði um leið:
Ekki vandamálið..."Drífðu þig bara út og finndu þér 25 ára viljuga stelpu!! 
Ég sé um að þú fáir hitt aftur;  ódýra íbúð, bíldruslu og ódýrt svart/hvítt sjónvarp."

"Og eftir þessi 30 ár veistu að ég meina það sem ég segi!!!"

Er konan mín ekki frábær - grái fiðringurinn hvarf á einu andartaki !!!

Réttlæti.

Eitt sinn kom ungur maður að máli við Abraham Lincoln forseta BNA.
Ungi maðurinn var sárgramur út í mann sem hafði gert honum ljótan grikk og svikið af honum fé.
Hann spurði Lincoln ráða hvað hann ætti til bragðs að taka.

Skrifaðu manninum skammarbréf svaraði Lincoln að bragði og dragðu nú ekkert undan sem þú vilt segja. Láttu fúlmennið fá ærlega fyrir ferðina eins og hann á réttilega skilið!
Hann fékk unga manninum vandaða pappírsörk og setti hann við borð þar sem var penni og blek.
Ungi maðurinn settist niður og tók til við skriftir. Eftir góða stund stóð hann upp og afhenti Lincoln örkina þéttskrifaða. Lincoln las bréfið svipbrigða laust og hrósaði unga manninum fyrir kjarnyrtar skammirnar sem hann lét dynja á misgjörðamanni sínum.

Ungi maðurinn var að vonum ánægður og vildi senda manninum bréfið undireins og kvaðst fara með það strax á pósthúsið.

Bíddu aðeins hægur ungi maður kvað Lincoln alvarlegur í bragði.

Bréfinu skaltu henda á eldinn sem hér logar glatt í arninum.

Hversvegna spurði ungi maðurinn forviða.

Það er vegna þess að nú ert þú búinn að fá útrás fyrir reiði þína í bréfinu og ert maður meiri að láta hér við staðið og brenna reiðihugsunum þínum sem skaða engan meir en þig sjálfan komi þær fyrir nokkurs manns sjónir annarra en okkar.
Þú ert maður meiri að trúa eldinum fyrir leyndarmáli okkar.

Ef fleiri færu að þessu fordæmi og hugsuðu sig um áður en skrifað er í uppnámi og reiði og sett fyrir almannasjónir á netinu væri umræðan málefnalegri og vandaðri.

Sesselja Ingólfsdóttir (Silla í Fornhaga) varð 60 ára þann 28.2.2009 og var veisla haldin í Þelamerkurskóla um kvöldið og fram á nótt.
Setti inn myndir sem ég tók í afmælisveislunni.

Setti inn myndir frá því að nemendur sem útskrifuðust frá Laugaskóla í Reykjadal 1973 hittust aftur eftir 20 ár, eða árið 1993.
Ungir og sætir krakkar ekki satt???

Myndir sem teknar voru á þorrablóti Flakkara 7. 2. 2009 eru komnar í myndaalbúmið.

Blótað var í Lóni á Akureyri og var mjög vel lukkað að mínu mati og ég skemmti mér vel.

"Yfirlýsingar Jóhönnu [Sigurðardóttur forsætisráðherra, innsk. blm.] um störf bankastjórnarinnar eru pólitískar og þær jaðra, eins og sumir segja, við að vera einelti," segir Halldór Blöndal, formaður bankaráðs Seðlabanka Íslands. (Eftir Magnús Halldórsson magnush@mbl.is)

Sigurveig Eysteinsdóttir bloggar:

¨"Ef einhver er að leggja Davíð í einelti, þá er það ekki bara Jóhanna, heldur öll (næstum) þjóðin.

Það er þetta með gullfiskamynnið hjá Sjálfstæðismönnum, það var gerð skoðanakönnun hjá þjóðinni og það voru um 90 % þjóðarinnar sem vildi hann burt úr Seðlabankanum.

Af hverju fór hann ekki þá ???

Það er bara svo skrítið með Sjálfstæðismenn, þeir halda að það sé verið að ráðast á þá persónulega, og tala stanslaust um það hvað Davíð sé góður og skemmtilegur maður, þetta hefur bara ekkert með það að gera hver hann er sem persóna, þetta hefur allt með verk hans, hroka og traust að gera.

Sjálfstæðismenn virðast halda að ef þú ert nógu skemmtilegur og mikill brandarakarl þá leyfist þér allt, ég skil ekki þessa hugsun, enda virðist hún vera sér einkenni Sjálfstæðismanna.

Annars eru Sjálfstæðismenn alltaf jafn skemmtilegir, reita af sér brandarana hér á blogginu, þeir verða bara að munna að það er ekkert fyndið að japlast á sama brandaranum í tíma og ótíma. það eru allir búnir að fá leið á þessum kommúnistastjórnar brandara ykkar. Hvernig væri að gera grín að sjálfum sér, það virkar yfirleit vel á alla."

Mikið er ég sammála henni.
Ég skil heldur ekki þessa hugsun Sjálfstæðismanna.