Ömmur og afar nauðsynleg þroska barna 

Rannsóknarmenn frá Sviss og Ástralíu hafa komist að því að ömmur og afar eru lykillinn að þroska barna.
Í rannsókninni kemur fram að gagnleg speki eldra fólks ásamt fjárhagslegum stuðningi sem þau veita hefur mikil áhrif á tilfinningalegan þroska barna.

Ást þeirra og hæfileiki til að hlusta á vandamál ungs fólks stuðlar síðan að aukinni sjálfsbjargarviðleitni.
Niðurstaða rannsóknarinnar gefur til kynna að afar og ömmur virka eins og stuðpúði á ungt fólk. Ungt fólk sem gengur í gegnum erfiðleika eins og skilnað foreldra eiga mun auðveldara með að vinna úr sorginni ef afar og ömmur eru virkir þátttakendur í lífi þeirra.
Vísindamennirnir tóku saman rannsóknir sem framkvæmdar hafa verið víðsvegar um heiminn.
Það væri því kannski ágætt að hringja öðru hvoru í gamla settið..

þau stuðla að áframhaldandi þroska tegundarinnar.

 Vísir 16.1.2012

Ég tek alveg undir þessa rannsókn.. ég get ekki séð fyrir mér æskuár mín án ömmu og afa.. og það tvö sett.. sem höfðu mikil áhrif á minn þroska  

Þessi heilræði eru rétt og góð og ætti að hafa þau prentuð upp á vegg þar sem við sjáum þau alla daga: 
1. Lífið er ekki sanngjarnt..  En það er samt ljúft.
2. Þegar þú ert í vafa..  Taktu þá bara lítið skref.
3. Lífið er of stutt til að eyða tíma í að hata einhvern.
4. Vinnan þín mun ekki sjá um þig þegar þú verður veik(ur). Vinir þínir og fjölskylda munu gera það.  Vertu því í sambandi við þau. 

5. Greiddu kreditkortareikninginn þinn í hverjum mánuði.

6. Þú þarft ekki að vinna öll deilumál..  Samþykktu að vera ósammála.
7. Gráttu með einhverjum..  Það er betra en að gráta einn.
8. Það er allt í lagi að reiðast út í guð..   Hann þolir það
9. Safnaðu fyrir elliárunum og byrjaðu með fyrsta launaseðlinum.
10. Þegar kemur að súkkulaði..  þá er mótstaða árangurslaus.
11. Semdu frið við fortíðina.. Þannig að hún eyðileggi ekki samtíðina.
12. Það er í lagi að láta börnin þín sjá þig gráta.
13. Berðu ekki þitt líf saman við annarra..  Þú hefur ekki hugmynd um hvernig 

     þeirra líf er.
14. Ef samband þarf að vera leynilegt.. Þá áttu ekki að vera í því.
15. Allt getur breyst á augabragði..  En hafðu ekki áhyggjur.
16. Dragðu andann djúpt að þér..  Það róar hugann.
17. Losaðu þig við allt sem ekki er nýtilegt, fallegt eða skemmtilegt.
18. Það sem ekki drepur þig gerir þig bara sterkari.
19. Það er aldrei of seint að hafa skemmtilega barnæsku.

     En sú seinni er alveg undir þér komin og engum öðrum.
20. Þegar kemur að því að sækjast eftir því sem þú elskar við lífið, taktu þá aldrei NEI sem svar.
21. Brenndu kertin, notaðu fínu rúmfötin, farðu í fínu nærfötin.
     Sparaðu þetta ekki fyrir sérstök tilefni.. Í dag er sérstakt tilefni.
22. Undirbúðu þig ávallt vel..  Láttu svo strauminn taka þig.
23. Vertu óvenjuleg(ur) í dag.. Bíddu ekki eftir gamals aldri til > að klæða þig í fjólubláan lit !
24. Mundu að mest áríðandi kynfærið er heilinn.
25. Enginn ræður yfir hamingju þinni nema þú.
26. Rammaðu inn allar svokallaðar þjáningar með orðunum..

     "Mun þetta skipta einhverju máli eftir 5 ár" ?
27. Hafðu lífið alltaf að leiðarljósi.
28. Fyrirgefðu öðrum allt.
29. Það sem aðrir hugsa um þig kemur þér alls ekki við.
30. Tíminn læknar svo til allt..   Gefðu tímanum tíma.
31. Hversu gott eða slæmt sem ástandið er..  Þá mun það breytast.
32. Taktu þig ekki of hátíðlega..  Enginn annar gerir það.
33. Trúðu á kraftaverk.
34. Guð elskar þig vegna þess hver hann er..  Ekki vegna þess sem þú gerðir eða gerðir ekki.
35. Endurskoðaðu ekki lífið..  Vertu til staðar og taktu þátt í því.
36. Að verða gamall er betra en hinn kosturinn..  Að deyja ungur.
37. Börnin þín fá bara eina barnæsku.
38. Allt sem skiptir máli í lokin er að þú hafir elskað.
39. Farðu út á hverjum degi..  Kraftaverk bíða alls staðar.
40. Ef við myndum öll kasta áhyggjum okkar í stafla og sæjum stafla hinna..  

     þá myndum við hrifsa okkar til baka.
41. Öfund er tímasóun..  Þú hefur nú þegar allt sem þú þarfnast.
42. Það besta er ef til vill einnig ókomið.
43. Það skiptir ekki máli hvernig þér líður..  Farðu á fætur, klæddu þig og sýndu þig.
44. Láttu undan.
45. Lífið er ekki skreytt með slaufum..  en samt er það gjöf.

Kennari við 10. bekk spyr nemendurna: "Hver getur sagt mér, hvaða hluti líkamans getur stækkað tífalt á við sína upprunalegu stærð þegar hann verður fyrir ertingu?"
Enginn gerir sig líklegan til að svara, svo hann spyr Maríu, "María, getur þú svarað þessu?"
"Hvernig vogarðu þér að spyrja okkur að þessu?" segir María og er greinilega mikið niðri fyrir, "ég ætla að kvarta í foreldra mína, sem kvarta í skólastjórann, sem rekur þig!"
Kennaranum bregður við þessi viðbrögð Maríu en lætur sig hafa það að spyrja aftur. Í þetta sinn svarar Nonni litli: "Já, Nonni?" spyr kennarinn. "Það er augað!" segir Nonni litli stoltur.
"Mjög gott," segir kennarinn og snýr sér að Maríu. "María, ég hef þrennt að segja við þig. Í fyrsta lagi, þá er greinilegt að þú hefur ekki lesið heima. Í öðru lagi, þá hugsar þú dónalega. Og í þriðja lagi, einn góðan veðurdag áttu eftir að verða fyrir miklum vonbrigðum!" 

Trúir nokkur eldri borgurum.. hljóta þeir ekki að vera elliærir?

Eldri hjón, sem voru búin að vera saman frá barnsaldri, fögnuðu demantsbrúðkaupi sínu. 

Hugsið ykkur.. eftir sextíu ára hjónaband voru þau flutt aftur í gamla hverfið sitt, héldust í hendur og gengu í átt að gamla skólanum sínum. Skólinn var ólæstur, svo þau gengu inn og fundu gamla borðið þar sem þau höfðu setið saman og Alli hafði rispað í viðinn "Ég elska þig Lóa." 

Brynvarinn bíll ók framhjá þeim á leiðinni heim og af honum féll peningasekkur sem lenti rétt við fætur þeirra. Lóa var snögg að hrifsa sekkinn, en í vafa um hvað gera skyldi, svo hún bar hann heim. Þar hvolfdu þau peningunum úr sekknum og töldu. Það reyndust vera tæpar sex milljónir króna! "Við verðum að skila þessu" sagði Alli ákafur. "Sá á fund sem finnur" sagði Lóa pollróleg, setti seðlana aftur í sekkinn og faldi hann uppi á háalofti. Tveir lögreglumenn sem fínkembdu hverfið í leit að peningunum, bönkuðu uppá daginn eftir. "Afsakið, en fann annað hvort ykkar poka sem féll af brynvörðum bíl í gær?" "Nei" svaraði Lóa og sýndi engin svipbrigði. "Hún er að ljúga.. hún faldi pokann uppi á háalofti" sagði Alli sem nötraði og skalf af stressi. "Ekki trúa honum.. þetta eru bara elliglöp hjá honum blessuðum" sagði Lóa pollróleg sem fyrr. Lögreglumennirnir sneru sér samt að Alla og tóku til við að yfirheyra hann. "Byrjaðu nú á byrjuninni og segðu okkur hvernig þetta var" sagði annar þeirra og Alli byrjaði:

"Sjáðu til, þegar við Lóa vorum að ganga heim úr skólanum í gær..."

Þá sneri löggan sér að félaga sínum og sagði: "Komdu.. við skulum drífa okkur héðan!"

Viltu grennast án þess að fara í ræktina eða velta þér um of upp úr mataræðinu? Þá er einkaþjálfarinn James Duigan með svarið fyrir þig. Duigan er með þeim frægari í bransanum en meðal viðskiptavina hans eru ofurkroppurinn Elle Mcpherson og Rosie Huntington-Whiteley.

Samkvæmt nýlegri rannsókn er þetta ekki endilega spurning um hvað þú borðar heldur hvernig. Hér fyrir neðan er listi sem tekinn var saman af téðum James Duigan og næringarfræðingunum Marlyn Glenville og Kim Pearson fyrir dagblaðið Daily Mail.

Einbeittu þér að því að tyggja

Rannsóknir sýna að því lengur sem þú tyggur, því færri hitaeiningar borðar þú. Það tekur heilann tuttugu mínútur að fá skilaboðin um að maginn sé fullur. Á þessum mínútum eru því óþarfa hitaeiningar borðaðar.

Borðaðu innan klukkustundar frá því að þú vaknar

Sérfræðingar eru sammála um að morgunverðurinn sé mikilvægasta máltíð dagsins og að fólk sem borðar morgunverð sé yfirlétt grennra, léttara og sæki síður í óhollustu milli mála.

Einbeittu þér að matnum

Rannsóknir sýna að ef þú ert upptekinn við allt annað en að borða þá fær heilinn misvísandi skilaboð um það magn sem hann hefur innbyrt. Einbeittu þér því að matnum og borðaðu hægt.

Ekki ofelda matinn

Gættu þess vel að ofelda ekki matinn þar sem dýrmæt næringarefni geta skemmst.

Borðaðu fyrst ávöxt

Ávextir innihalda einfaldar sykrur sem meltast hratt. Sérfræðingar vilja meina að ef  ávaxta er neytt í lok máltíðar hægi það á meltingunni og sykrurnar staldri lengur við í meltingarkerfinu en þurfa þykir, sem er ekki gott. Muna því að borða áður en flóknari fæðu er neytt.

Ekki borða eftir klukkan átta á kvöldin

Ef að búið er að neyta góðrar fæðu með reglulegu millibili yfir daginn þarf ekki að borða eftir átta á kvöldin. Slíkt er óþarfi og fitandi.

Borðaðu minna þegar þú ert undir álagi

Þegar álagi er mikið fer orkan í allt annað en að melta mat. Því á að draga úr áti þegar stressið er mikið þar sem þú ert líklegri til að fitna við þær aðstæður.

Skerðu matinn í bita

Nýleg könnun leiddi í ljós að fólk sem sker matinn í bita borðar að meðaltali 20% færri hitaeiningar en þeir sem borða sama mat óskorinn. Er skurðurinn talinn valda því að viðkomandi er meðvitaðri um hvað hann er að borða, hversu mikið er verið að borða og meltingin fær meiri tíma til að vinna næringuna úr fæðunni.

Borðaðu oft og lítið í senn

Annars gæti líkaminn haldið að hann væri að svelta og neitað að brenna dýrmætar hitaeiningar. Án gríns. Flestir sérfræðingar eru sammála um gildi þess að borða oft og lítið í senn.

Heimild: Daily Mail 

Hvernig við förum með gamla fólkið í dag.

Lausnin:  Setjum gamla fólkið í fangelsi og glæpamenn á elliheimili!. Þá fengi gamla fólkið aðgang að baði, tölvu, sjónvarpi, líkamsrækt og gönguferðum. Allt starfsfólk talaði íslensku við það og enginn stæli frá þeim. Þeir sem vildu gætu stundað nám, smá vinnu, eða dútlað við föndur og gamla fólkið fengi greitt í stað þess að þurfa að borga háan hluta af ellilífeyrinum sínum. Bubbi Morthens og Ari Eldjárn kæmu svo til að skemmta á aðfangadag!

Glæpamennirnir fengju þá kaldan mat, engan pening, væru aleinir, starfsfólkið talaði allt að 10 ólík tungumál og enga íslensku, þeir þyrftu að slökkva ljósin kl. 20 og fengju að fara í bað einu sinni í viku. Félagar úr Harmonikufélagi Reykjavíkur kæmu til að skemmta þeim á sjómannadaginn. Látið þetta ganga ef ykkur finnst að ellilífeyrisþegar eigi betra skilið! 

Hjá 123.is er verið að færa síðurnar í nýtt kerfi og þess vegna hafa myndirnar verið lengi að koma upp. Það er leiðinlegt að skoða margar myndir í einu ef það þarf að bíða eftir að þær komi upp en þetta á að lagast þegar búið verður að færa myndirnar í nýja kerfið og það verður farið að virka eins og það á að gera.

Endilega kíkjið bara seinna á síðuna til að fletta myndunum og vonandi kemst þetta í lag fljótlega.