Fórum í 60 ára afmæli í gær.

Jón Klaufi hennar Snjólaugar Kóngsdóttur hélt upp á 60 ára afmælið sitt í Rimum í Svarfaðardal í gærkvöld.

Við skelltum okkur þangað og áttum góða kvöldstund.
Gaman að hitta fólkið að sunnan og líka héðan að norðan því að við förum ákaflega sjaldan í heimsóknir og hingað koma fáir nema þeir séu sérstaklega boðnir.
En þannig er nú heimurinn í dag.

Í það fyrsta var sólin í stuði á leiðinni þangað.
Ekki gott fyrir bílstjórann en farþeginn (ég) naut þess að horfa á fjöllin og af því að þau eru hvít ennþá, þá sá ég þau í nýju ljósi og naut þess að horfa á alla gilskorningana, fjallstoppana og aðrar ójöfnur í þessum fallegu fjöllum sem eru á þessari leið frá Eyjafjarðarsveit og í Svarfaðardalinn.
Ég sé svolítið eftir því að hafa ekki beðið Fúsa að stoppa oftar og taka fleiri myndir á leiðinni.
Tók þó myndir af Kaldbak og Múlanum og nágrennið fylgdi með.
Gott ef sést ekki aðeins í Vaðlaheiðina þar sem ég bý.
Á heimleiðinni var tunglið fullt og birtist okkur hvar sem fjöllin náðu ekki að hylja það.
Ég held bara að það hafi verið á undan okkur heim.

Set inn nokkrar myndir frá þessu kvöldi.

Ljóska og brúnetta ganga saman fram hjá blómabúð. Allt í einu segir sú
brúna: ?Æææi, neiii, þarna er kærastinn minn að kaupa handa mér blóm?

Sú ljóshærða: Af hverju er það svo slæmt?

Sú brúna: Alltaf þegar hann gefur mér blóm ætlast hann til að fá
eitthvað í staðinn.
Mig langar ekki að eyða allri helginni á bakinu með
fótleggina upp í loft!

Ljóshærða: Núú.. áttu ekki blómavasa?

Fleiri börn hafa fæðst í stórfjölskyldunni.
Hitti Ásu í Kálfskinni og hún sagði mér það í fréttum að þau Sveinn hefðu lengst svolítið því að Ásrún dóttir Jónsa hefði eignast barn og þar með eru þau orðin langamma og langafi.

Mér finnst þau samt gott dæmi um fólk sem er síungt hvað sem aldur  og barnabarnabörn segja til um.

Ég  eignaðist aðra litla frænku.

Hún fæddist 4 apríl og á því sama afmælisdag og Anna Marý dótturdóttir mín.

Hún  er dóttir Sævars og Guðrúnar.

Þar með er Svanlaugur litli bróðir minn orðinn afi og ég spái því að þetta barn sé það fyrsta af mörgum  barnabörnum hans og Heiðu því að þau hafa afrekað það að eignast 6 börn.

Þar sem ég erfði það frá föður mínum að eiga erfitt með að muna ýmislegt eins og afmælisdaga og hvað fólk er gamalt (og jafnvel nöfnin ef ég hef ekki heyrt þau nýlega) þá er það hentugt fyrir mig að ný börn fæðist sama dag og mín börn eða barnabörn því þá man ég frekar afmælisdaga þeirra.

Eins og að ég á gott með að muna að hann Stefán Daníel föðurbróðir litlu stúlkunnar er fæddur 27. maí  sama dag og Einar Þórir sonur minn (árið 2000 eins og Anna Marý).

TVÍBURARNIR
21. maí - 21. júní

Óþolinmótt eftir að hefja leikinn er líklegt að tvíburabarnið hafi sparkað duglega í móðurkviði. Tvíburabörn eru líkleg til að byrja snemma að tala og þau segja sína skoðun frá byrjun. Þau eru mjög forvitin í eðli sínu og þurfa því alltaf að hafa eitthvað fyrir stafni. Þau eiga mjög erfitt með að sitja kyrr og eiga mjög erfitt með að þegja. Athyglin beinist stöðugt að nýjum viðfangsefnum en áhuginn hverfur oft mjög fljótt. Tvíburarnir þurfa mikla örvun og hyggilegt er að leikföng þeirra séu margvísleg og vitsmunalega þroskandi, svo sem púsluspil og þrautir af ýmsu tagi. Því fyrr sem tvíburabarnið kemst í hóp annarra barna því betra því tvíburarnir elska félagslíf enda hafa þeir mikla samskiptahæfileika. Líf og fjör er tvíburum að skapi. Yfirleitt er tvíburinn bráðþroska vitsmunalega og því nauðsynlegt að sinna þessum þætti í uppeldinu með því að reyna að svara t.d. spurningum hans (þær eru reyndar oft ansi margar) og ræða við hann. Litlir tvíburar eru oft stríðnir og hrekkjóttir en það ber ekki að taka of alvarlega því yfirleitt er meiningin ekki slæm. Hann grípur oft til prakkarastrika til að hrista upp í umhverfinu því hann hefur ríka þörf fyrir tilbreytingu.

Barn í tvíburamerkinu er snöggt í hreyfingum eins og svipu sé veifað, þó svo að flestar hreyfingar séu uppávið. Þetta barn er alltaf á leiðinni upp á eitthvað. Talandi um orku og virkni! Þetta barn fer létt með að gera 3 hluti í einu og er líklegt til að gera þá alla vel. Hægt er að segja um barn í tvíburamerkinu að það sé mjög klókt og komi sífellt á óvart. Það er einnig ósvífið og gæti komið heim með kettling með slaufu um hálsinn (sem það fann) og fært mömmu sinni að ?gjöf?. Sætt, ekki satt? Það sem þessu barni leiðist er að hafa ekkert að gera, svo vertu viss um að stundatafla þess sé alveg þétt skipuð (íþróttir, klúbbar, útivist o.s.frv.) Vegna þess hve barnið er upptekið og hefur margt fyrir stafni þá eignast það marga vini. Tvíburanum líkar að vera trúðurinn í bekknum og gerir í því að gretta sig og segja brandara. Tvíburinn er fyndinn og býr yfir góðum húmor. Hugur hans ferðast á ógnarhraða og auðvelt að örva. Vertu viss um að hann hafi alltaf nóg að lesa. Fyrir utan lestur þá hefur barn í tvíburamerkinu einnig mikla unun af því að tala, segja brandara og taka þátt í íþróttum, og það vill gera þetta allt núna strax. Þegar þú reynir að sjá fyrir þér barn í tvíburamerkinu þá skaltu hugsa um Línu Langsokk. Hallaðu þér aftur, dragðu andann djúpt og taktu þátt í fjörinu.

Setti þetta inn því þetta er mitt merki og nokkurra annara í fjölskyldunni svo sem Ásu systir, Einars sonar míns og Evu barnabarns míns, Regínu Óskar, Vigfúsar og Vals, svo og nokkurra fleiri.

Rakst á góða brandara og kóperaði þá á mína síðu.

Karlinn og sínöldrandi eiginkona hans, fóru í ferð til Jerusalem.
Þar andaðist eiginkonan.



Útfararstjórinn bauð karlinum tvo kosti:
Það kostar 350.000 kr að senda hana heim og þá er athöfnin eftir,
en við getum grafið hana hér í Landinu helga fyrir 10.000 kr.
Karlinn velti þessu svolítið fyrir sér og sagðist svo vilja senda hana heim.

Af hverju ættir þú að sóa 350 þúsundum til þess að senda konuna heim.
Það væri bara indælt að henni væri búinn legstaður hér, auk þess sem
það kostar ekki nema 10 þúsund krónur.

Sá gamli svaraði:
"Fyrir löngu síðan lést hér maður, hann var grafinn hér,
en á þriðja degi þá reis hann upp frá dauðum.
Ég get bara ekki tekið þá áhættu."

                                                                                                                      


Ljóskubrandari

Mig bráðvantaði nokkurra daga frí í vinnunni en ég þóttist vita að
stjórinn myndi ekki taka það í mál.  Þá datt mér í hug að hugsanlega
 myndi hann leyfa mér það ef ég hegðaði mér eins og geðbilaður maður.
 Svo að ég brá á það ráð að hanga öfugur í loftinu og gefa frá mér
 furðuleg hljóð.
 Samstarfskona mín - sem er ljóska - spurði mig hvað ég væri að gera.
 Ég sagði henni að ég ætlaði að þykjast vera ljósapera svo að stjóri
 héldi að ég væri kexruglaður og gæfi mér nokkurra daga leyfi.
 Skömmu síðar birtist stjóri á skrifstofunni og sagði við mig:
"Drottinn minn, hvað ertu að gera?" Ég sagði honum að ég væri
 ljósapera.
 Hann sagði: "Þú ert yfir þig stressaður, það fer ekki á milli mála.
 Farðu heim og vertu þar í nokkra daga og reyndu að ná þér." Ég stökk
 niður og gekk út úr skrifstofunni.
 Þegar samstarfskona mín (ljóskan) elti mig spurði stjóri hana hvert
 hún væri eiginlega að fara. Hún sagði:
 "Ég er líka farin heim. Þú getur hreinlega ekki ætlast til þess af mér
  að ég vinni í þessu myrkri!"

Gleðilega páska

Setti inn myndir frá fermingu Sesselju Fanneyjardóttur.
Hún varð einnig 14 ára þennan dag 16.mars 2008.

Tók nokkrar fallegar vetrarmyndir í nágrenni Akureyrar

Nettengingin hefur að mestu legið niðri hjá okkur síðustu daga. Ég hef einstaka sinnum náð sambandi og þá er netið inni í stutta stund og dettur svo út aftur.
Ég er búin að vera á netinu núna í c.a. 10 mín. og mér sýnist á signalinu að það sé að detta út aftur svo að ef einhverjar villur eru í innsetningunni hjá mér þá verður bara að hafa það þangað til netið er nógu lengi inni í einu til þess að ég geti lagfært þær.