Enn vantar mig nokkrar myndir og líka upplýsingar um fjölskylduhagi hjá nokkrum svo ég geti farið að prenta niðjatal Einars Ásmundssonar út.

Fór í gærkvöld á sykurmassa/fondant námskeið í Skjaldarvík. 

Var að setja inn myndir frá Handverkshátíðinni á Hrafnagili og líka frá uppskeruhátíðinni í Funaborg. 

Laugardaginn 14.11.09 fórum við í óvissuferð með starfsmannafélagi Sandblásturs og Málmhúðunar.
Um kvöldið var svo árshátíðin haldin á Vélsmiðjunni við Pollinn á Akureyri.

Þetta var góður dagur og maturinn góður um kvöldið og skemmtum við okkur vel.

Setti inn myndir af okkur konunum í óvissuferðinni og nokkrar frá kvöldinu.

Vorum á Dalvík á Fiskidögum og áttum þar góða helgi í plássinu sem við höfum haft hjá Snjólaugu og Jóni við Böggvisbraut. Þetta er þriðja árið sem við holum okkur niður þar og þrengir að okkur með hverju ári sem líður, svo að Fúsi fór með hjólhýsið úteftir miðvikudeginum áður.
Setti inn myndir þaðan, en þar sem ég festi kortið úr myndavélinni minni í kortalesaranum í tölvunni á laugardeginum, þá á Fúsi heiðurinn af sumum myndunum.

Fórum út í Arnarnes sunnudaginn 7. júní 2009 og skoðuðum útskriftarsýningu Eyglóar Jóhannesdóttur, en hún var að útskrifast frá myndlistarskóla Arnar Inga.

Við kíktum líka í galleríið hennar.

Síðan renndum við niður á Hjalteyri og fengum okkur af kaffihlaðborði á Kaffi Lísu, og skoðuðum síðan sýningu í Verksmiðjunni sem heitir Hertar sultarólar.

Setti inn myndir frá þessum sýningum.

Sýning á verkum nemenda í Myndlistarskóla Arnar Inga á Akureyri verður laugardaginn  23. og sunnudaginn 24. maí 2009  frá kl. 14 til 18 í  Klettagerði 6.

Á sýningunni eru mörg mjög falleg málverk og eru allir velkomnir.

Ég á þar tvær myndir sem ég er bara nokkuð ánægð með a.m.k. finnst mér þær bara góðar miðað við að ég er að byrja að læra að mála og á mikið eftir ólært ennþá enda bara hobbý sem ég hef mjög gaman af.

Sesselja Ingólfsdóttir (Silla í Fornhaga) varð 60 ára þann 28.2.2009 og var veisla haldin í Þelamerkurskóla um kvöldið og fram á nótt.
Setti inn myndir sem ég tók í afmælisveislunni.

Þá er Árshátíð SM starfsmanna lokið.

Starfsmenn byrjuðu daginn á að fara á Þelamörk og spila bandí í íþróttasalnum. Til allrar lukku stórslasaðist enginn og síðan fóru þeir í keilu á Kaffi Jónsson.

Okkur mökum þeirra (sem flestir eru konur) buðu þeir upp á dekur í Hár og heilsu.

Ég byrjaði á að fara með bilaða sjónvarpið í Nortek til Valgeirs og tók myndir af sólinni og Súlum á meðan ég beið eftir að hann kæmi frá Glerartorgi þar sem hann var að laga einhverjar vitlausar tengingar í þjófavarnarkerfinu.

Síðan fór ég í slökunarnuddið sem ég valdi og Inga frænka fékk það hlutverk að nudda mig og gerði það vel.

Ég hafði að sjálfsögðu myndavélina með og smellti mynd af þeim konum sem ég náði í förðun og hárgreiðslu og má sjá afraksturinn af þeim fegrunaraðgerðum á myndum sem teknar eru á árshátíðinni um kvöldið.