Var að setja inn myndir frá afmælisdegi húsbóndans og einnig myndir sem eru teknar hér í nágrenninu. 

Ég hef mjög gaman af að horfa til himins þessa dagana.

Nú er komið að sýningum á föndri vetrarins hjá okkur hjónum.

Kæru vinir, ég óska ykkur öllum gleðilegra jóla og farsæls komandi árs, með þökk fyrir allt það góða á liðnum árum.

Jólin hafa verið notaleg hjá okkur hjónum og fengum við heimsóknir bæði á jóladag og í gær 26. des.

Villi og fjölskylda komu á jóladag og borðuðu með okkur Húsavíkurhangikjötið og um kvöldið komu Valgeir og Ragga að líta á gömlu hjónin.

Jónberg og fjölskylda komu svo í gær þrátt fyrir allan snjóinn sem hefur kyngt niður síðustu daga. 

Einar og Linda fóru til Seyðisfjarðar fyrir jól og þau koma ekki til baka fyrr en á nýju ári.

Við höfum hins vegar ekki farið neitt nema hér út fyrir hús, Fúsi til að moka snjó og berja niður snjóhengjur af þakinu svo enginn verði nú undir þeim, og ég til að mynda snjóinn.
Ég hlít nú að hafa brennt einhverju á að vaða snjóinn allt upp í mitti til að komast hringinn í kringum húsið og suður á lóðina með myndavélina

Myndirnar koma bráðlega inn á myndasíðuna.

30. des verður faðir minn (Steini Mar) 75 ára og til stendur að fjölskyldan sameinist um að baka og gefa honum smá veislu þann dag.

Tók myndir hér í nágrenninu af haustlitunum og fleiru og snjónum sem kom (og fór aftur) á sunnudaginn 27 september 2009.

Ég á reyndar nokkrar myndir af haglélinu sem skall á okkur í júlí og þá sá svo mikið á blómunum að þau náðu sér ekki almennilega upp aftur í sumar.

Árið 1981 var ófært fyrir framhaldsskólakrakkana úr sveitunum að komast til Akureyrar eftir páskafrí.
Það var ekki einu sinni fært fyrir mjólkurbílana í nágrenni Akureyrar í töluverðan tíma.
Síðustu helgina í september fór að snjóa, og þann snjó tók ekki upp allan veturinn 1981 - 1982.

Setti inn nokkrar myndir teknar um jólin og áramótin.
Því miður var myndavélin ekki rétt stillt svo myndirnar eru ekki góðar.
Ég var að fikta með stillingarnar í vélinnni fyrir jólin og setti inn stillingu sem ég fann svo ekki þegar ég ætlaði að taka hana af aftur (þvílíkur snillingur  ).
Af þessum sökum þá myndaði ég ekki mikið eða svona rétt til þess að eiga einhverjar minningar.
Ætla að setja inn video af boxinu í bílskúrnum og líka af viðureign Dökkvu og Caspers.

Skemmtileg sería af kisunni Dökkvu og DVD spilaranum komin á myndasíðuna.  

My sons cat and Elvis.

Setti inn myndband frá 17.  júní 2008.

Stúdentar nýútskrifaðir frá MA koma í miðbæ Akureyrar um miðnætti.

Set meira inn seinna.

Ég  eignaðist aðra litla frænku.

Hún fæddist 4 apríl og á því sama afmælisdag og Anna Marý dótturdóttir mín.

Hún  er dóttir Sævars og Guðrúnar.

Þar með er Svanlaugur litli bróðir minn orðinn afi og ég spái því að þetta barn sé það fyrsta af mörgum  barnabörnum hans og Heiðu því að þau hafa afrekað það að eignast 6 börn.

Þar sem ég erfði það frá föður mínum að eiga erfitt með að muna ýmislegt eins og afmælisdaga og hvað fólk er gamalt (og jafnvel nöfnin ef ég hef ekki heyrt þau nýlega) þá er það hentugt fyrir mig að ný börn fæðist sama dag og mín börn eða barnabörn því þá man ég frekar afmælisdaga þeirra.

Eins og að ég á gott með að muna að hann Stefán Daníel föðurbróðir litlu stúlkunnar er fæddur 27. maí  sama dag og Einar Þórir sonur minn (árið 2000 eins og Anna Marý).

Setti inn myndir frá fermingu Sesselju Fanneyjardóttur.
Hún varð einnig 14 ára þennan dag 16.mars 2008.

Nettengingin hefur að mestu legið niðri hjá okkur síðustu daga. Ég hef einstaka sinnum náð sambandi og þá er netið inni í stutta stund og dettur svo út aftur.
Ég er búin að vera á netinu núna í c.a. 10 mín. og mér sýnist á signalinu að það sé að detta út aftur svo að ef einhverjar villur eru í innsetningunni hjá mér þá verður bara að hafa það þangað til netið er nógu lengi inni í einu til þess að ég geti lagfært þær.