Ölgerðin efndi til keppni um nafnbótina í tilefni bóndadagsins en þann dag kom Egils Þorrabjór í áfengisverslanir. Allir sem báru nafnið Þorri voru gjaldgengir í keppnina og skráðu fjölmargir Þorrar sig til leiks.
"Ég held að það verði erfitt að toppa þetta," segir Guðni Þorri Egilsson, nýkrýndur "Þorri landsmanna" 2011.
Guðni Þorri þótti bera höfuð og herðar yfir aðra Þorra, enda var hann einungis klæddur þingeyskum boxer-nærbuxum sem móðir hans, Sigurlína Jóhanna, prjónaði á hann.