05.06.2010 01:21

Myndlist og handverkssýningar

Nú er komið að sýningum á föndri vetrarins hjá okkur hjónum.

Nemendasýning verður í Myndlistarskóla Arnars Inga í Klettagerði 6 á Akureyri 5. og 6. júní 2010 kl. 14 til 18 báða dagana og eru allir velkomnir að skoða mjög fjölbreyttar myndir eftir nokkra nemendur.

Fyrri sýningin var um síðustu helgi og þar voru sýnd 28 falleg verk og þessi síðari verður ekki síðri en ég á þar 3 málverk, ekki kannski þau bestu en bara nokkuð ánægð með árangurinn sem vonandi á nú eftir að batna meira á komandi árum.

Handverkssýning verður einnig þessa helgi þar sem félag aldraðra í Eyjafirði verður með sýningu á ýmsum munum og handverki í Félagsborg í Hrafnagilsskóla og þar verður kaffihlaðborð þar sem hægt verður að láta ofan í sig ýmis konar góðgæti fyrir hæfilegan pening.

Hér hefst hinn margrómaði pönnukökubakstur Vigfúsar í fyrramálið þar sem hann snarar í c.a. 100 pönnkökur á hlaðborðið og hann á líka fallega muni á sýningunni, bæði unnið í gleri og útskurð í tré.

Vonandi fáum við gott sumar því framundan eru hjá okkur hver ferðahelgin á fætur annarri svo sem; ættarmót, húsbílaferðir og vorferð kvenfélagsins svo eitthvað sé nefnt.

Skrifað af SigrJoh

Tengill á færslu

Bæta við áliti

Sýna álit

05.06.2010 01:21

Myndlist og handverkssýningar

Tenglar