Í dag fórum við í Laufáskirkju í Höfðahverfi við Eyjafjörð til að vera við skírn sonarsonar míns.
Jóhann Þórir var skírður og það kom skemmtilega á óvart að foreldrarnir, Valgeir Árnason og Ragnheiður Diljá Gunnarsdóttir, giftu sig á eftir og síðan var veisla í þjónustuhúsinu í Laufási.
Í gær fórum við í fermingarveislu til Elvars Óla bróðursonar míns og í fyrradag héldu tvíburarnir Vigfús og Valur upp á 13 ára afmæli sitt, en þeir eiga afmæli 26. maí.
Sem sagt þriggja daga veisluhöld og ekki hægt að segja annað að maður sé vel haldinn þessa dagana.